MMF2016 – Böhrandan Yeni Dövrana

MMF2016 – Böhrandan Yeni Dövrana

Hər il olduğu kimi bu il də Milli Marketinq Forumu olacaq. Böhran, iqtisadi çətinlik və s. bu kimi iqtisadi təlatümlər bizi dayandıra bilməz. İnanırıq ki, indiki dövrdə şirkətlərimizin düzgün strateji addımlara daha çox ehtiyacı var. Eyni zamanda marketinq böhrandan çıxış və optimal həllər üçün çox vacibdir.

Artıq yanvar ayından, daha dəqiq desək, yanvarın 11-dən MMF2016-nın rəsmi hazırlıqlarına start verdik. Bizim üçün bir çox proyektlərimizin ideya məkanı olan Park Fore (hər nə qədər xidməti yaxşı olmasa da) bu il də forumun müzakirəsinin başlanğıc nöqtəsi oldu. Zarafat deyil, bu il 8-cisi olan Marketing AİR, FMR TV, MMF özü 3 il öncə həmin məkanda düşünülüb. İlkin müəllim rayonda olduğundan, Anar müəllim, Aysel və mən ilkin müzakirələrə başladıq. Bu arada fürsətdən istifadə edib, MMF2013, 2014 və 2015-ci illərdə bizimlə birlikdə olan, forumun ərsəyə gəlməsində xüsusi səy göstərən dostlarımızın hər birinə xüsusi təşəkkür edirik. Yello Ad reklam agentliyinə isə xüsusi təşəkkür edirəm. Beləliklə,

Bu il MMF-dən nə xəbər var?

Əziz dostlar, forumda hər il fərqli istiqamətlər prioritet seçilir. Təşkilatçılığa cəlb olunan tərəfdaş şirkətlər hər il daha rəngarəng və faydalı forum olması üçün əllərindən gələni əsirgəmirlər. Bu il isə ölkəmizin aparıcı reklam agentliklərindən biri olan McCANN Baku MMF2016-nın kreativ tərəfdaşı oldu. İnanırıq ki, McCANN Baku öz zəngin təcrübəsi ilə bu il forumun daha da gözəl alınması üçün səylərini əsirgəməyəcək. Bu ilk xəbərimiz.

İkinci xəbər odur ki, bu il bir az dəyişiklik edərək artıq hər il ayrı logo konsepti ilə deyil, daha eyni loqo konsepti ilə hərəkət etmək qərarına gəldik. 13, 14 və 15-ci ildə ayrı-ayırılıqda gözəl loqotiplərimiz olsa da, uzun müddətə düşünəndə, qərara gəldik ki, izləyicilərin beynində eyni vizual təəssüratın yaranması üçün vahid və sadə loqo olması vacibdir. Dostlarımız, McCANN də sağ olsunlar, artıq loqonu bir neçə variantda təqdim etdilər, seçdiyimiz loqonu isə Sizə aşağıda təqdimatda görə bilərsiniz.

Üçüncü xəbərimiz bu ilki sloqanımız ilə bağlıdır. 2013-də 3P, 2014-də Trend Ovunda, 2015-ci ildə isə Olimpə Doğru devizi ilə yola çıxmışdıq. Bu il isə günün gedişatına uyğun olaraq “Böhrandan Yeni Dövrana” sloqanını seçdik. Loqo və sloqan ideyası təbii olaraq, McCANN Baku agentliyinə məxsusdur. Hesab etdik ki, bu il panellərimizdə əsas istiqamət də böhran dövrü mövzu və istiqamətlərə uyğun həll yolları axtarışı olacaq. O həll yolları ki, bizi bu böhrandan yeni dövrana üzüağ çıxmağa kömək edə bilər.

Dördüncü məsələ bu ilki panellərlə bağlıdır. Bu il yenə forum 2 gün olacaq və yenə 6 paneldə təxmini 30-a yaxın spiker iştirak edəcək. Hazırda spikerlərin seçimi demək olar ki, bitib və spikerlər bu barədə artıq məlumatlandırılıb. Bir neçə nəfər üçün qeyri-dəqiqlik var ki, düşünürəm o da ay sonuna kimi maksimum həllini tapacaq. Bu il Milli Keyslər, Marketinq Kommunikasiyaları, Rəqəmsal Marketinq, Bloqçuluq və rəy liderliyi, Böhran dövründə marketinq strategiyası, Şəxsi brendinq kimi panellərimiz olacaq. Gördüyünüz kimi əvvəlki illərdən fərqli olaraq yeni panellərimiz var. Bu il spikerlərimiz də inanırıq və əminik ki, Sizlərə çox faydalı olacaqlar.

5-ci məsələ forumun keçiriləcəyi məkanla bağlıdır. Açığı bir müddətdir ki, variantlar üzərində baş sındırırıq. İstər öz istədiyimiz, istər bizə gələn təkliflər arasında uyğun olanı haqqında düşünürük. Bu həftə sonuna kimi düşünürük ki, bu prosesi də bitirəcəyik. Hələlik 100% qərar verdiyimiz yer yoxdur. Zaman olaraq isə ənənəvi olaraq may ayı seçilib.

6-cı məsələ sponsorluqla bağlıdır. Sponsorluq, foruma bu və ya digər formada öz köməyini əsirgəmək istəməyən dostlarımız üçün təqdimat hazırlanıb və marketinq azərbaycan qrupunda paylaşılıb. Əgər Sizin şirkətiniz də hansısa formada dəstək olmaq istəyirsə, bizə müraciət edə bilərsiniz – jabrayilova.aysel@facemark.az

Sonda isə Sizə aşağıdakı təqdimatda ilkin kreativ konseptimizin elementlərini təqdim edirəm. Təqdimatda hər şey aydındır deyə xüsusi izaha ehtiyac görmədim. Əgər hər hansı suallarınız olarsa, zəhmət olmasa, yazın.

İnşallah, forumda görüşərik. Hələ çox yeniliyimiz olacaq. Bu, ilkin hazır olanlar idi ki, o haqda da Sizə məlumat verdik.

Facebook Comments
Share

Yazar haqqında

Rafiq Hunaltay
Rafiq Hunaltay 307 posts

Təxəllüsdən istifadə etməyi sevirəm. Marketinq sahəsində isə yazılarımı Marketer Məhərrəm təxəllüsü ilə yazıram. Marketer Məhərrəm Azərbaycan reallıqlarında fəaliyyət göstərən, uğur qazanmağa çalışan marketoloq prototipidir. Yazılarımı oxuyaraq az da faydalana bildinizsə, təşəkkür əlaməti olaraq digərlərinin də faydalanması üçün yazını paylaşmanız yetərlidir. Hər hansı sualınız olarsa, hunaltay@gmail.com mail adresinə yazmanız kifayətdir. Öncədən təşəkkürlər.

Həmçinin oxuya bilərsiniz

Tədbirlər 0 Comments

NNA Academy – praktiki mini MBA proqramı başladı

Hamımızın karyerasında 5-10 ili tamamladıqdan sonra yeni istəklər, yeni hədəflər formalaşır. Bu da çox təbiidir. İnsan eyni işi uzun müddət görə bilməz. Daim öz üzərində çalışmalı, bilik və təcrübəsinə yeni

Share
Tədbirlər 0 Comments

Marketerlərin 2013 “Quba üsyanı” və gələcək planlar

Bu gün istirahət günü olduğundan bizim üçün ən böyük zövq və istirahət olan Marketing AİR haqqında İlkin və Anar müəllimlə düz 6 saat müzakirə apardıq. Bu haqda İlkin müəllim yaxın

Share
Tədbirlər 0 Comments

#MMF2015-də bilməli olduğumuz 10 fakt

Bu aralar marketerlər arasında ən çox müzakirə mövzusu Milli Marketinq Forumu 2015-dir. İlin ən böyük marketinq hadisəsi olan MMF2015-ə hazırlıqlar demək olar ki, yekunlaşıb. Təşkilatı komanda artıq var gücü ilə

Share

Şərhlər

Şərh yazan yoxdur

İlk şərh yazan siz olun

Şərh yazın